ABŞ-ın milli təhlükəsizlik müşaviri Ceyk Sallivan Ukrayna və Rusiya arasında hərbi əsirlərin mübadiləsinə vasitəçiliyi üçün Türkiyəyə təşəkkür edib.
Busaat.az xəbər verir ki, Türkiyənin vasitəçiliyi ilə Rusiya və Ukrayna arasında həyata keçirilən əsirlərin mübadiləsi ilə bağlı Sallivan Twitter hesabında açıqlama edib.
“Türkiyənin taxıl sövdələşməsində rolu, Ukrayna və Rusiya arasında əsir mübadiləsində vasitəçiliyi üçün Türkiyə hökumətinə təşəkkür edirəm”, – deyə Sallivan paylaşımında qeyd edib.
Qeyd edək ki, Türkiyə prezidenti Rəcəb Tayyib Ərdoğanın Rusiya prezidenti Vladimir Putin və Ukrayna prezidenti Vladimir Zelenski ilə olan diplomatik siyasəti nəticəsində Rusiya və Ukrayna müharibəsində əsir düşmüş 200 nəfərin mübadiləsi həyata keçirilib.
Busaat.az
