Avropada rusdilli jurnalistlərlə bağlı vəziyyət çox narahatedicidir. “Amnesty International” hüquq müdafiə təşkilatı bu mövzunu diqqətlə izləyir.
Busaat.az xəbər verir ki, təşkilatın baş katibi Agnes Callamard ACANU assosiasiyasının BMT-də akkreditə olunmuş jurnalistlər ilə keçirdiyi brifinqdə bildirib.
“Bu, “Amnesty” üçün son dərəcə vacib olan mövzudur, bizi narahat edir. Biz hələ də bu mövzunun üzərində işləyirik, ona görə də bu barədə hələ hesabat dərc etməmişik”, – Callamard deyib.
“Tezliklə rusdilli jurnalistlərin vəziyyəti ilə bağlı mövqeyimizi bildirəcəyik”, – o, “Amnesty”nin rusdilli KİV-lərin bağlanmasına və Avropada jurnalistlərin həbsinə reaksiyası barədə suala cavabında deyib.
