Ankara bu şərtlə Suriyadan qoşunları çıxaracaq - Yaşar Gülər
“Suriya rejimi ilə danışıqlar ancaq İran, Türkiyə, Suriya və Rusiyadan ibarət dördtərəfli qrup şəklində aparılır. Məqsədimiz BMT Təhlükəsizlik Şurasının qərarı əsasında Suriyada siyasi həllə nail olmaqdır”.
Busaat.az Türkiyə KİV-nə istinadən xəbər verir ki, bunu Türkiyənin milli müdafiə naziri Yaşar Gülər bildirib.
“Biz Konstitusiyanın qəbulunu, azad seçkiləri, hərtərəfli normallaşmanı və təhlükəsizlik mühitinin təmin edilməsini dəstəkləməyə hazırıq” – Yaşar Gülər əlavə edib.
O qeyd edib ki, bunlar tamamlandıqda və Türkiyə sərhədlərinin təhlükəsizliyi təmin olunarsa, Ankara Suriyadan qoşunların çıxarılması məsələsini nəzərdən keçirə bilər.
