Arxeoloqlar Arktika yaxınlığında ibtidai insan izlərinə rast gəlib

Rusiya Elmlər Akademiyasının Sibir bölməsinin arxeoloqları Arktika Dairəsi yaxınlığında – Ob çayının aşağı axarında ibtidai insanın izlərini aşkar ediblər.

Busaat.az xəbər verir ki, bu ərazi Homo sapiens mədəniyyətinin qədim sübutlarının tapıldığı Qərbi Sibirin ən şimal nöqtəsidir.

Tədqiqatçı Mixail Şunkov bildirib ki, bu tapıntıların tarixi 45-40 min il əvvələ aiddir. Tapıntılar insan tarixinin demək olar ki, Arktika Dairəsinə nüfuz etməsinin indiyədək məlum olan ən qədim izləridir.

Şunkov qeyd edib ki, tapıntılar 65 dərəcə şimal enliyində, qütb dairəsi isə 66-cı enlikdən keçir. Əldə edilən məlumatlar qədim insanın yüksək uyğunlaşma qabiliyyəti haqqında nəticə çıxarmağa imkan verir.

Tədqiqatlar Yamalo-Nenets Muxtar Dairəsindəki Kuşevat abidəsində aparılıb. Alimlər həmçinin üzərində daş alətlərin izləri olan şimal maralı sümükləri tapıblar.

Busaat.az