Avropa hazırda Çin texnologiyasından həddən artıq asılıdır və bu asılılıqdan ehtiyatlı olmalıdır.
Busaat.az Reutersə istinadən xəbər verir ki, bunu Finlandiyanın baş naziri Sanna Marin deyib.
“Düzünü deyək, artıq zəifliklərimiz var. Biz bunu çiplərə və ya yarımkeçiricilərə baxanda görürük, biz həddən artıq asılıyıq” – deyə, Marin Helsinkidə illik startap tədbiri olan Slush-da çıxış edərkən deyib.
Onun sözlərinə görə, Avropa Rusiya enerjisindən asılılığından dərs ala bilər, bunun davam edən enerji böhranına, eləcə də COVID pandemiyası zamanı müşahidə olunan tibbi ləvazimat çatışmazlığına səbəb olduğunu söyləyib: “Biz əmin olmalıyıq ki, bu texnologiyaları qurmaq üçün imkan və biliyə malikik. Çindən və demokratik ölkələrdən fərqli məntiqə malik olan digər avtoritar ölkələrdən asılı olmayaq”.
