Türkiyəyə Qara Dəniz Taxıl Təşəbbüsü sazişinin davam etdirilməsində oynadığı rola görə təşəkkür edirik.
Busaat.az xəbər verir ki, bunu Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cozef Borrell Türkiyə Xarici İşlər naziri Mövlud Çavuşoğlu ilə görüşündə deyib.
Görüşlə bağlı sosial mediada açıqlama verən Borrell, Ukrayna taxılının dünyaya çatdırılmasını təmin edən razılaşmada Türkiyənin roluna görə təşəkkürünü çatdırdığını bildirib.
Borell qeyd edib ki, saziş ərzaqdan silah kimi istifadənin qarşısını almaq və qlobal ərzaq böhranını həll etmək məqsədi daşıyır.
Çavuşoğlu ilə ortaq maraq doğuran digər məsələləri də müzakirə etdiklərini bildirən Borrell, bunların arasında Şərqi Aralıq dənizindəki vəziyyətin olduğunu qeyd edib.
