Avropa Komissiyası bütün tərəfləri taxıl müqaviləsini uzatmağa çağırıb

Avropa Komissiyası bütün tərəfləri Qara Dəniz Taxıl Təşəbbüsünü genişləndirməyə çağırır və bu məqsədə çatmaq üçün istənilən həlli müzakirə etməyə hazırdır.

Busaat.az xəbər verir ki, bu barədə Aİ-nin xarici siyasət xidmətinin nümayəndəsi Peter Stano deyib.

Brüsseldə keçirdiyi mətbuat konfransında jurnalistlərin Aİ-nin “Rosselxozbank”a qarşı sanksiyaları ləğv etməyə hazır olub-olmaması sualını cavablandıran diplomat deyib: “Biz bütün tərəfləri sazişi uzatmağa çağırırıq, çünki bu, vacibdir. Biz BMT və Türkiyə arasında aparılan danışıqları yüksək qiymətləndiririk və əlbəttə ki, məqsədimizə çatmağa töhfə verə biləcək bütün qərarları müzakirə etməyə hazırıq”.

Busaat.az