Avropa Parlamentinin (AP) bir qrup deputatı Fransada etirazçılara qarşı polis zorakılığının dayandırılmasını tələb edib.
Busaat.az xəbər verir ki, deputatlar Belçikanın paytaxtı Brüsseldə AP binası qarşısında nümayiş keçirib.
Əllərində “Fransada polis vəhşiliyinə son qoyun” yazılmış plakatlar tutan 20-dən çox millət vəkili polisi etirazçılara qarşı vəhşilik etməkdə ittiham edib.
AP-dən verilən açıqlamada deyilir: “Fransada xalq demokratik nümayiş hüququndan istifadə edərkən polis zorakılığı ilə üzləşib. Bu gün AP deputatları polis zorakılığına qarşı parlamentdən mesaj verirlər. Zorakılığa bəhanə ola bilməz. Biz səlahiyyətdən sui-istifadəyə dözə bilmərik”.
Busaat.az
