Ukraynada xüsusi hərbi əməliyyatın başlamasından sonra Avropa şirkətlərinin Rusiya bazarında itkiləri ən azı 100 milyard avro təşkil edib.
Busaat.az xəbər verir ki, bu barədə “The Financial Times” (FT) qəzeti yazır.
“600 Avropa qrupunun illik hesabatları 2023-cü il üzrə maliyyə hesabatlarının sorğusu göstərir ki, 176 şirkət Rusiya müəssisələrinin satışı, bağlanması və ya azalması nəticəsində aktivlərin dəyərsizləşməsini, valyuta ilə bağlı ödənişləri və digər birdəfəlik xərcləri qeydə alıb”, – qəzet yazır.
Çıxarma ilə bağlı ən ağır xərclər əsasən bir neçə sektorda cəmləşib. Ən böyük silinmə və ödənişlərə malik olanlar neft və qaz qruplarıdır.
Sənaye şirkətlərinin, o cümlədən avtomobil istehsalçılarının itkiləri isə 13,6 milyard avro təşkil edib.
“Banklar, sığortaçılar və investisiya firmaları da daxil olmaqla maliyyə şirkətləri silinmə və digər ödənişlərdə 17,5 milyard avro qeyd ediblər”, – məlumatda qeyd edilir.
Busaat.az
