Avropa Ukraynaya 100 milyard dollar yardım etməlidir - Tramp

Ukrayna Avropa ölkələrindən təxminən 100 milyard dollar almalıdır ki, bu, Vaşinqtonun Kiyevə verdiyi yardımla müqayisə olunsun.

Busaat.az xəbər verir ki, bunu ABŞ-nin sabiq prezidenti Donald Tramp  bildirib.

“Əvvəlcə Avropaya deyərdim. “Siz təxminən 100 milyard dollar ödəməlisiniz. Avropa ABŞ-lə müqayisədə çox az iş görür”, – Tramp deyib.

O, qeyd edib ki, ərazi baxımından Avropa Ukraynaya daha yaxındır, ABŞ isə qitədən “okeanla ayrılıb”. “Niyə biz 150 milyard dollar xərclədik, onlar isə 20 milyard dollar xərclədilər?” Onların iqtisadiyyatları birləşdirildikdə, demək olar ki, bizimlə eynidir”, – Tramp əlavə edib.

Qeyd edək ki, ABŞ Konqresi daha əvvəl Ukraynaya yardım üçün təxminən 113 milyard dollar ayrılmasını təsdiqləmişdi. Vaşinqton Kiyevə yardımın əsas hissəsini Pentaqon, Dövlət Departamenti və ABŞ Beynəlxalq İnkişaf Agentliyi vasitəsilə təmin edir.

Busaat.az