Rusiya ilə Avropada silahlara nəzarət məsələsi ilə bağlı danışmağı zəruri hesab edirik. Lakin bunun üçün ilk növbədə Rusiya Ukraynadakı döyüş əməliyyatlarını dayandırmalıdır.
Busaat.az xəbər verir ki, bunu Almaniya kansleri Olaf Şolz deyib. Almaniyanın Funke Media Qrupuna müsahibəsində Şolz bunları qeyd edib: “İlk növbədə, Rusiya müharibəni dayandırmalı və qoşunlarını çıxarmalıdır.
Düzdür, bundan sonra Avropanın təhlükəsizliyini necə təmin edə biləcəyimiz sualı ortaya çıxacaq. Təbii ki, biz Rusiya ilə Avropada silahlara nəzarətlə bağlı danışmağa hazırıq. Biz bunu müharibədən əvvəl təklif etmişdik. Bu mövqemizdə dəyişən nəsə yoxdur”. Şolz Almaniyanın Ukraynanı dəstəkləməyə davam edəcəyini bir daha təkrarlayıb, lakin Rusiya-NATO qarşıdurmasına qarşı xəbərdarlıq edib. “Biz Rusiya ilə NATO arasında birbaşa müharibənin qarşısını almaq üçün əlimizdən gələni edirik. Belə bir münaqişə yaşanarsa, münaqişədə yalnız uduzanlar olacaq”.
Busaat.az
