Avropalılar gələcəklərini özləri həll etməlidirlər, Rusiya onlara kömək etməyəcək- Lavrov

Avropa İttifaqı özü üçün hansı gələcək görəcəyinə qərar verməlidir və Rusiya bu məsələdə onlara kömək edə bilməz.

Busaat.az xəbər verir ki bu sözləri Rusiyanın xarici işlər naziri Sergey Lavrov eritreyalı həmkarı Osman Salehlə  keçirilən mətbuat konfransında bildirib.

Jurnalistin Avropa Birliyinin Efiopiyanın Tiqray bölgəsi ilə bağlı hərəkətsizliyinin səbəbləri barədə sualına Lavrov belə cavab verib: “Avropa İttifaqının hərəkətləri və ya hərəkətsizliyinin arxasında duran səbəblərə gəlincə, bunları şərh etmək mənim üçün çətindir”.

“Hazırda Avropa İttifaqının siyasətini, xüsusən də bir neçə gün əvvəl NATO ilə tam əməkdaşlıq haqqında bəyannamə imzaladıqdan sonra anlamaq çox çətindir. Onlar sadəcə olaraq, özləri üçün necə bir gələcək gördükləri barədə qərar verməlidirlər. Bu baxımdan onlara kömək edə bilmərik, lakin onların yolunda da dayanmayacağıq”, – Lavrov qeyd edib.

Busaat.az