Avstraliya Əfqanıstana təzminat ödəyəcək

image-flag_of_australia_-converted-svgbackend

Avstraliya hökuməti Avstraliya Müdafiə Qüvvələrinin (ADF) Əfqanıstanda törətdiyi müharibə cinayətlərinə görə qurbanların ailələrinə təzminat ödəmək üçün danışıqlar aparır.

Busaat.az xəbər verir ki, bu barədə məlumatı “The Guardian” yayıb.

Məlumata görə, Avstraliya Baş nazirinin müavini və Müdafiə naziri Riçard Marles Əfqanıstanda törədilmiş hərbi cinayətlərin qurbanlarının ailələrinə təzminat ödənilməsi ilə bağlı rəsmi orqanlardan məlumat aldığını bildirib.

Marlesin sözçüsü kompensasiya ilə bağlı bəzi problemlərin olduğunu, lakin hökumətin “Brereton Hesabatı”ndakı tövsiyələri bacardığı qədər yerinə yetirməkdə qərarlı olduğunu söyləyib.

BRERETON HESABATI

ADF Baş Müfəttişi Paul Breretonun dörd illik araşdırmadan sonra verdiyi hesabatda, Avstraliya əsgərlərinin Əfqanıstanda qanunsuz şəkildə 39 mülki vətəndaşı və məhbusu öldürdüyünə dair əllərində etibarlı məlumat olduğuna diqqət çəkib.

Hesabatı Avstraliya Baş Qərargah rəisi Anqus Kempbell 2020-ci ildə açıqlayıb.

İstintaqı aparan müstəntiqlər 2005-2016-cı illər ərzində avstraliyalı əsgərlərin davranışları ilə bağlı 423 şahidi dindirərək, bundan başqa 20.000-dən çox sənədi araşdıraraq sözügedən hesabatı hazırlayıblar.

Qeyd edək ki, Avstraliyanın Əfqanıstanda ABŞ və digər müttəfiqləri ilə davam edən sülhməramlı səylərin bir hissəsi olaraq təxminən 400 əsgəri var idi.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90