Avstraliya Rusiyanın “casusluq şəbəkəsi”ni çökdürdüyünü açıqlayıb

Avstraliya kəşfiyyatı özünü rus diplomatları kimi təqdim edən “casus şəbəkəsini” zərərsizləşdirdiyini açıqlayıb.

Busaat.az xəbər verir ki, bu barədə “The Sydney Morning Herald” qəzetinin kəşfiyyat mənbələrinə əsaslanaraq verdiyi xəbərdə bildirilir.

Xəbərdə vurğulanır ki, “casuslar” saxta şəxsiyyətlərdən istifadə edərək özlərini səfirlik və konsulluq işçiləri kimi təqdim ediblər.

Avstraliya Təhlükəsizlik Kəşfiyyat Agentliyinin (ASIO) baş katibi Mike Burgess də agentliyin illik hesabatında “casus yuvası” olaraq xarakterizə etdikləri şəbəkəni deşifrə etdiklərini bildirib.

“Bu agentlər daha geniş şəbəkənin bir hissəsidir. Zərərli fəaliyyətlərindən əlavə, onlar həssas məlumatları oğurlamaq istəyirdilər”, – Burgess deyib.

Fəaliyyətlərini gizlətmək üçün çox mürəkkəb üsullardan istifadə edən agentlərin təlim keçdiyini ifadə edən Burgess, ASIO-nun “peşəkar və xüsusi” əməliyyatı ilə casusluq şəbəkəsini çökdürə bildiklərini vurğulayıb.

Busaat.az