Avstriyada dəmiryol işçiləri tətil edir

Avstriyada 50 minə yaxın dəmiryol işçisi kollektiv müqavilənin əldə oluna bilmədiyi üçün bu gün ölkə daxilində bir günlük “xəbərdarlıq tətili” elan edib.

Busaat.az xəbər verir ki, ölkədə dəmiryol işçiləri ilə işəgötürənlər arasında uzun müddətdir davam edən kollektiv müqavilənin 5-ci iclasında tərəflər razılığa gələ bilməyib və bundan sonra həmkarlar ittifaqları bazar ertəsi ölkə boyu tətil etmək qərarına gəliblər.

Müvafiq olaraq, Avstriya ərazisində regional və beynəlxalq qatarların hərəkəti bir gün müddətinə dayandırılacaq.

İşçiləri təmsil edən VIDA İttifaqı işçilərin maaşlarının ayda 400 Avro artırılmasını tələb edərkən, işəgötürənlər adından toplantıya qatılan Avstriya Ticarət Palatası bu artımı yüksək hesab edib.

Busaat.az