Avstriyada “Türkiyənin sərhədyanı əməliyyatlarını qınama” təklifi rədd edildi

Avstriyada Sosial Demokrat Partiyasının (SPÖ) parlamentə təqdim etdiyi “Türkiyənin sərhədyanı əməliyyatlarını qınama” təklifi hakim sağ mərkəzçi Xalq Partiyası (ÖVP) və Yaşıllar Partiyası tərəfindən rədd edilib.

Busaat.az xəbər verir ki, ana müxalifət SPÖ-nün üzvü Katharina Kucharowits və bəzi millət vəkillərinin parlamentə təqdim etdiyi təkliflə hökumət Türkiyənin Suriya və İraqda terror təşkilatı PKK bazalarına qarşı həyata keçirdiyi əməliyyatların pislənməsini tələb edib.

Təklif parlamentdə rədd edildikdən sonra terror təşkilatının tərəfdarları hakim Yaşıllar Partiyasının qərargahı qarşısında nümayiş keçirib.

Busaat.az