Aydında qanunsuz qazıntıya jandarma müdaxiləsi
Aydının Didim rayonunda 3 nəfər xəzinə tapmaq məqsədilə torpaqda icazəsiz qazıntı apararkən jandarma tərəfindən yaxalanıb.
Busaat.az xəbər verir ki, Didim İlçe Jandarma Komandirliyi tərəfindən Akköy məhəlləsində həyata keçirilən yoxlamalar zamanı torpaqda qanunsuz qazıntı aparan şəxslər – M.K., H.T. və M.Ç. – iş başında tutulub. Onların ekskavator vasitəsilə xəzinə axtardıqları müəyyən edilib.
Hadisə ilə bağlı inzibati və hüquqi prosedurlar davam edir.
Nərmin Səmidova
Busaat.az
