Laçın yolu məsələsində Rusiya Federasiyasının mövqeyi və Rusiya sülhməramlılarının Qarabağdakı fəaliyyəti vacibdir.
Busaat.az xəbər verir ki, bunu Ermənistan baş naziri Nikol Paşinyan çərşənbə axşamı keçirdiyi mətbuat konfransında deyib.
“Bizim baxışımız ondan ibarətdir ki, beynəlxalq aləmdə götürülmüş öhdəliklər yerinə yetirilməlidir. Bu, həm də ümumilikdə iki məqsəd daşıyan təxribatdır. Birincisi, “Qarabağ xalqı”nın öz evində yaşamaq iradəsini qırmaqdır. İkincisi, Ermənistan daha böyük təxribata sürüklənir. Biz Laçın yolunun özündə mövcud olan beynəlxalq reaksiyadan yararlanmağa çalışmalıyıq. Burada Rusiya Federasiyasının mövqeyi və sülhməramlı kontingentinin fəaliyyəti çox vacibdir” – deyə, Paşinyan bildirib.
Onun sözlərinə görə, belə bir fikir var ki, Azərbaycan Ermənistan dövlətini məhv etmək istəyir.
Busaat.az
