Azərbaycan Laçın yolunu “blokadaya” almaqla konkret hərbi məqsədi həll etməyə çalışır.
Busaat.az xəbər verir ki, bu sözləri erməni hərbi ekspert Hayk Nahapetyan deyib.
“Hayastan” fraksiyasının təşəbbüsü ilə parlamentin Azərbaycanın Laçın yolunu “bloklaması” ilə bağlı bəyanatı layihəsinə dair dinləmələrdə çıxış edən Nahapetyan bildirib ki, “blokada” Azərbaycan tərəfindən müharibə elementidir. Onun fikrincə, belə hallarda ərazilərin blokadası siyasi deyil, hərbi məqsəd daşıyır.
“Əgər Azərbaycan Qarabağda genişmiqyaslı hərbi əməliyyatlara başlasa, Ermənistandan dəstək çata bilməyəcək. İkincisi, onlar Qarabağdakı soydaşlarımız üçün yaşayış resursunu tükəndirirlər. Üçüncüsü, müharibə və ya hərbi əməliyyatlara başladıqdan sonra tez qələbə qazanmaq üçün xalqa ciddi psixoloji təsir göstərirlər. Laçın yolunun bağlanması humanitar və ya təhlükəsizlik işi deyil. Azərbaycan konkret hərbi vəzifəni həll edir”, – deyə hərbi ekspert bildirib.
Busaat.az
