Şəkidə polis dava zamanı həmkarını bıçaqlayıb.
Pravda.az-ın əldə etdiyi məlumata görə, hadisə rayonun Aşağı Layısqı kəndi ərazisində qeydə alınıb.
Belə ki, 1996-cı il təvəllüdlü Mahmudov Sahil Cavanşir oğlu, tanışı 1996-cı il təvəllüdlü Əlimərdanov Elvin Şahmərdan oğlu ilə birlikdə məclisdən çıxaraq Layısqı kəndi ərazisinə gəlib. Onlar 1998-ci il təvəllüdlü Mustafayev İsǝ Şəfayət oğlu ilə aralarında şəxsi münasibətlər zəminində mübahisə edib. Bu zamanı S.Mahmudov İ.Mustafayevə yumruqla zərbə vurub. Daha sonra İ.Mustafayev idarə etdiyi avtomobildən cib bıçağı götürərək S.Mahmudova kürək nahiyəsindən bıçaqla xəsarət yetirib, onları sakitləşdirmək istəyərkən E.Əlimərdanov da bud nahiyəsindən bıçaq xəsarəti alıb.
Araşdırma zamanı müəyyən edilib ki, E.Əlimərdanov və İ.Mustafayev 2019-cu ildən Şəki Şəhər Rayon Polis Şöbəsinin PPXB-nin polis nəfəri vəzifəsində xidmət edirlər.
Faktla bağlı Şəki ŞRPŞ-də araşdırma aparılır.
