Azov dənizi və Kerç boğazı ilə bağlı Ukrayna ilə müqaviləni ləğv edən qanun layihəsini təsdiq edib - Rusiya parlamenti

Rusiya parlamentinin yuxarı palatası Azov dənizi və Kerç boğazından istifadə sahəsində əməkdaşlıq haqqında Rusiya-Ukrayna müqaviləsini denonsasiya edən qanun layihəsini təsdiq edib.

Busaat.az bu barədə TASS-a istinadən xəbər verir.

Sənədi Dövlət Dumasına mayın 24-də Rusiya prezidenti Vladimir Putin təqdim edib. Rusiya parlamentinin aşağı palatası iyunun 1-də keçirilən plenar iclasda müqaviləni denonsasiya edib.

Xatırladaq ki, Rusiya ilə Ukrayna arasında müqavilə 2003-cü il dekabrın 24-də Kerçdə imzalanıb. Sənəddə Azov dənizi və Kerç boğazının hər iki ölkənin iqtisadi inkişafı üçün əhəmiyyəti, eləcə də Azov-Kerç hövzəsinin qorunub saxlanılmasının zəruriliyi qeyd edilib. Fevralın əvvəlində isə Ukrayna parlamenti Azov dənizində Rusiya ilə əməkdaşlığa dair bütün müqavilələri rəsmən denonsasiya edib.

Busaat.az