Moldovada Ermənistan və Azərbaycan liderlərinin görüşündə iki ölkə arasında münasibətlərin normallaşdırılması üçün siyasi iradə təsdiqlənəcək.
Busaat.az xəbər verir ki, bu sözləri Avropa Şurasının prezidenti Şarl Mişel bildirib.
Şarl Mişelin Ermənistan və Azərbaycan prezidentləri ilə danışıqları Avropa Siyasi Birliyinin sammiti çərçivəsində planlaşdırılır.
“Bu, bu gün baş tutacaq mühüm görüşdür. Bir neçə həftə əvvəl Brüsseldə İlham Əliyev və Nikol Paşinyanla görüşmək imkanım olub. Biz müəyyən irəliləyiş əldə etmişik”, – diplomat deyib.
Bundan əvvəl prezidentlər mayın 14-də Mişelin iştirakı ilə Brüsseldə, mayın 25-də isə Moskvada Rusiya prezidenti Vladimir Putinin iştirakı ilə danışıqlar aparıblar.
Busaat.az
