Baş nazir postundan istefa verdi, Harvardda işə başladı

Yeni Zelandiyanın keçmiş baş naziri Casinda Ardern ABŞ-nin Harvard Universitetində işə düzəlib.

Busaat.az xarici mediaya istinadən xəbər verir ki, yanvar ayında Yeni Zelandiyada sürpriz qərarla istefa verdiyini açıqlayan sabiq baş nazir Casinda Ardern Harvard Universitetində işə başlayacaq.

Kennedi Məktəbinin dekanı Duqlas Elmendorf Ardernin bu ilin sonunda Harvard Universitetində müvəqqəti vəzifə alacağını açıqlayıb. 37 yaşında baş nazir olan Ardernin dünyaya güclü və empatik liderlik dərsi verdiyini deyən Elmendorf onun öz biliyi ilə Harvard tələbələrinə böyük töhfə verəcəyini bildirib.

İkiqat təqaüd proqramına qəbul edilən Ardern 2023 Angelopoulos Qlobal Liderlər proqramı və İctimai Liderlik Mərkəzi çərçivəsində xidmət göstərəcək.

Ardern qeyd edib: “Harvard Universitetində işləmək ona bildiklərini başqaları ilə bölüşmək və öyrənməyə davam etmək imkanı verəcək”.

Busaat.az