ABŞ prezidenti Co Bayden 1945-ci ildə Xirosima və Naqasakiyə atılan atom bombalarına görə üzr istəməyəcək.
Busaat.az xəbər verir ki, bunu Ağ Evin milli təhlükəsizlik müşaviri Ceyk Sullivan bildirib.
Jurnalistin Baydenin ABŞ-nin Yaponiya şəhərlərinə atom bombası atmasına görə üzr istəmək niyyətində olub-olmaması ilə bağlı sualını cavablandıran Sullivan prezidentin Xirosima Sülh Memorial Parkında açıqlama verməyəcəyini deyib.
Yeddilik Qrupunun (G7) sammiti üçün Yaponiyaya gedən prezident təyyarəsində keçirdiyi brifinq zamanı Sullivan qeyd edib ki, Bayden də digər G7 liderləri ilə birlikdə bir sıra tədbirlərdə iştirak edəcək.
Qeyd edək ki, Yaponiya bu il G7-yə sədrlik edir.
Busaat.az
