ABŞ prezidenti Co Bayden aprelin 11-dən 14-dək Böyük Britaniya və İrlandiyaya səfər edəcək.
Busaat.az xəbər verir ki, bunu Ağ Evdən bildiriblər.
“Prezident Co Bayden 11-14 aprel tarixlərində Böyük Britaniya və İrlandiyaya səfər edəcək. Prezident Bayden 25 il əvvəl Belfast/Yaxşı Cümə Sazişinin imzalanmasından sonra əldə edilən böyük irəliləyişi qeyd etmək və Birləşmiş Ştatların Şimali İrlandiyanın geniş iqtisadi potensialını dəstəkləməyə hazır olduğunu vurğulamaq üçün aprelin 11-12-də Şimali İrlandiyanın Belfast şəhərinə səfər edəcək. Prezident daha sonra aprelin 12-14-də İrlandiyaya səfər edəcək. O, ümumi qlobal çağırışların tam spektri üzrə sıx əməkdaşlığımızı müzakirə edəcək. O, həmçinin Dublində, Lout qraflığında və Mayo qraflığında müxtəlif görüşlər keçirəcək və burada ölkələrimizi və xalqlarımızı birləşdirən dərin, tarixi əlaqələri qeyd etmək üçün müraciətlə çıxış edəcək”, – Ağ Evin müvafiq bəyanatında deyilir.
