Bayden Naqasakiyə səfər edən ilk ABŞ prezidenti ola bilər

Yaponiya və ABŞ hökumətləri prezident Co Baydenin 1945-ci ildə ABŞ tərəfindən atom bombasına məruz qalmış Naqasakiyə səfərini təşkil etməyi düşünür.

Busaat.az xəbər verir ki, bu barədə “Yomiuri” nəşri Yaponiya hökumətindəki mənbələrə istinadən yazıb.

Nəşr qeyd edir ki, bu baş verərsə, Bayden Naqasakiyə səfər edən ilk ABŞ prezidenti olacaq.

Nəşr əlavə edib ki, hazırda Vaşinqton və Tokio səfərlə bağlı danışıqlar aparır. Yekun qərar Naqasakinin ABŞ nümayəndə heyətinin qalmasına hazırlığının hərtərəfli qiymətləndirilməsindən sonra veriləcək.

Nəşrin məlumatına görə, səfər razılaşdırılarsa, Yaponiyanın baş naziri Fumio Kişida Baydeni Naqasakiyə qədər müşayiət edəcək.

Səfər 2023-cü il mayın 19-21-də Xirosimada keçiriləcək Yeddilik Qrupunun (G7) sammitindən sonra baş tuta bilər.

Busaat.az