
“Rusiya nüvə silahından istifadə edərsə, daha da təklənəcək” - Bayden
ABŞ prezidenti Coe Biden Rusiyanın Ukraynada kimyəvi və ya taktiki nüvə silahlarından istifadə etməsi halında “həmişəkindən daha tək” qalacağını bildirib.
Busaat.az xəbər verir ki, bu barədə Bayden CBC News-a verdiyi müsahibədə Ukraynadakı müharibəni dəyərləndirərkən deyib.
Belə ki, müsahibə sırasında CBC News jurnalisti Skot Pelley Rusiya prezidenti Vladimir Putinin uğursuzluğuna diqqət çəkərək deyib: “Ukraynanın döyüş meydanındakı uğurundan sonra Putin küncə sıxışdırılıb. O, kimyəvi və ya taktiki nüvə silahlarından istifadə etməyi düşünərsə, ona nə demək istəyərdiniz?”
ABŞ Prezidenti Coe Bayden cavabında bildirib: “Etmə, etmə, etmə. Siz müharibənin simasını İkinci Dünya Müharibəsindən bəri ən pis şəkildə dəyişəcəksiniz. Sizcə, nə baş verəcəyini dəqiq bilsəm, sizə deyərdimmi? Təbii ki, deməzdim. Bunun nəticələri olacaq. Onlar əvvəlkindən daha çox təcrid olunacaqlar. Həm də etdiklərinə müfaviq olaraq cavablarını alacaqlar”.
Busaat.az























