Bayden Şərqi Asiya Sammitində Çin, Tayvan və Ukrayna ilə münasibətlərdən danışıb

 Bazar günü Pnompendə Şərqi Asiya Sammitində çıxış edən ABŞ prezidenti Co Bayden ölkəsinin Çinlə qarşıdurması, eləcə də Tayvanla bağlı vəziyyət və Rusiyanın Ukraynadakı hərbi əməliyyatları kontekstində təhlükəsizlik məsələlərinə toxunub.

Busaat.az xəbər verir ki, bu barədə Ağ Ev mətbuat yayıb.

“Prezident Bayden ABŞ-Çin münasibətlərini şərh edərək, ABŞ-ın rəqabətin münaqişəyə çevrilməməsinin təmin edilməsi müstəvisində Çin ilə şiddətli rəqabət aparacağını və kommunikasiya xətlərini açıq saxlamaqla Çinin insan hüquqlarının pozulması ilə bağlı məsələlərə toxunacağını vurğulayıb. O, Tayvan boğazında sülh və sabitliyin qorunmasının vacibliyini bir daha təsdiqləyib” – deyə, bəyanatda bildirilib.

Ağ Evin məlumatına görə, ABŞ lideri həmçinin Koreya Xalq Demokratik Respublikasının yaratdığı təhdidləri və Rusiyanın Ukraynadakı hərəkətlərini pisləyib.

Busaat.az