Bayden və Makron Ukraynaya yardımı müzakirə ediblər

ABŞ prezidenti Co Bayden Fransa prezidenti Emmanuel Makron ilə telefon danışığı aparıb.

Busaat.az xəbər verir ki, bu barədə Ağ Evin açıqlamasında bildirilir.

“İki lider Rusiyanın qəddar işğalının ikinci ilinə qədəm qoyduğu bir vaxtda Ukraynaya verdikləri dəstək, o cümlədən Ukraynaya təhlükəsizlik yardımı göstərməyə davam etmək və təcavüzə görə Rusiyaya sanksiyalar qoymağa dair öhdəliklərini müzakirə ediblər.

Prezident Bayden və Prezident Makron, həmçinin ABŞ və Fransa arasında Hind-Sakit Okean regionunda əməkdaşlığı müzakirə aparıb, Çin Xalq Respublikasının qaydalara əsaslanan beynəlxalq nizama qarşı səsləndirdiyi çağırışların həlli istiqamətində birgə səyləri dəyərləndiriblər.

Eyni zamanda, liderlər təmiz enerji iqtisadiyyatına keçidin sürətləndirilməsi ilə bağlı yaxından koordinasiya öhdəliyini bir daha təsdiqləyiblər”, – bəyanatda əlavə edilib.

Busaat.az