Birləşmiş Ərəb Əmirliklərinin (BƏƏ) “Rəşid” adlı kosmik gəmisi kəşfiyyat məqsədilə Aya göndərilib.
Busaat.az xəbər verir ki, beləliklə BƏƏ Aya kosmik gəmi göndərən ilk ərəb ölkəsi olub.
BƏƏ-nin rəsmi xəbər agentliyi WAM-da yer alan xəbərə görə, BƏƏ-nin “Rəşid” adlı kosmik gəmisi SpaceX-in Falcon 9 raketi ilə ABŞ-ın Florida ştatındakı Cape Canaveral bazasından kosmosa buraxılıb.
Məlumata görə, kosmik gəminin təxminən 5 ay müddətinə Aya çatacağı gözlənilir.
Bildirilib ki, kosmik gəmi Ayın geoloji quruluşunun, qayaların, plazmanın, tozun, Ay torpağının tədqiqi, yeni texnikaların inkişafı üçün məlumatların toplanması kimi vəzifələri yerinə yetirəcək.
Busaat.az
