Belarus Avropa Şurasına üzvlük ərizəsini geri götürə bilər

Belarus Avropa Şurasına üzvlük ərizəsini geri götürə bilər.

Busaat.az xəbər verir ki, bu  barədə ölkənin Xarici İşlər Nazirliyinin mətbuat katibi Anatoli Qlaz bildirib.

“Avropa Şurası və Qərb Belarus dövlətinə qarşı destruktiv xətti davam etdirsə, Belarus Respublikası bu struktura qoşulmaq üçün ərizəsini geri götürəcək və Avropa Şurası ilə münasibətlərin qalan formatlarını nəzərdən keçirməyə davam edəcək”, – Qlaz deyib.

Avropa Şurasının mayın 16-17-də Reykyavikdə keçirilən sammitinin nəticələrini şərh edən diplomat deyib: “Bu, Belarusun 30 il əvvəl qoşulmaq istədiyi təşkilat deyil”.

Onun sözlərinə görə, Belarusun üzvlük ərizəsinə baxılması hələ 1990-cı illərdə Avropa Şurası tərəfindən dondurulub.

“Belə bir anlayış var ki, Avropa Şurası adi vətəndaşların, o cümlədən Belarusun gözü qarşısında özünü tamamilə nüfuzdan salmaq üçün hər şeyi edir”, – o, əlavə edib.

Busaat.az