Belarus artıq Rusiyanın S-400 və İsgəndər raket sistemlərini yerləşdirib.
Busaat.az xəbər verir ki, bunu Belarus prezidenti Aleksandr Lukaşenko deyib.
Lukaşenko Rusiya prezidenti Vladimir Putinlə görüşdən sonra jurnalistlərə açıqlamasında qeyd edib: “Bu gün biz altı ay əvvəl söz verdiyiniz kimi bizə təhvil verdiyiniz S-400 sistemlərini və ən əsası İsgəndər sistemini yerləşdirdik”.
Lukaşenko həmçinin qeyd edib ki, Belarus Rusiyanın köməyi ilə nüvə daşıya bilən təyyarələr üçün ekipajlar hazırlayır.
“Siz xüsusi silahlar və xüsusi döyüş sursatları daşıya bilən ekipajlarımızın hazırlanması məsələsinə toxundunuz. Deməliyəm ki, biz təyyarələri hazırlamışıq. Məlum oldu ki, bizdə belə təyyarələr hələ sovet dövründən olub, biz onları Rusiya Federasiyasında sınaqdan keçirmişik. Ruslarla birlikdə bunları daşıyan təyyarələri idarə edə biləcək ekipajlar hazırlayırıq “ – deyə, Lukaşenko əlavə edib.
“Biz Belarus dövlətinin təhlükəsizliyini təmin etməliyik. Siz Belarusu dəstəkləmək üçün çox qərar və mühüm addım atdınız” – deyə, Lukaşenko deyib və Putinə təşəkkür edib.
Busaat.az
