Belçika Tihange 2 nüvə reaktorunu həmişəlik bağlayır

Belçikada 40 ildir fəaliyyət göstərən Tihange 2 nüvə reaktoru həmişəlik bağlanacaq.

Busaat.az xəbər verir ki, 1983-cü ildə işə başlayan nüvə reaktorunun 40 illik istismardan sonra elektrik şəbəkəsinə qoşulması dayandırılacaq.

Tihange Atom Elektrik Stansiyasının 3 reaktorundan biri olan Tihange 2 reaktoru illik 1055 meqavat elektrik istehsal gücünə sahib idi.

Belçikada cəmi 7 reaktor , Hollandiya sərhədinə yaxın Doel AES-də 4 , Almaniya və Lüksemburq sərhədinə yaxın Tihange AES-də 3 reaktor işləyirdi.

Bu reaktorlar tərəfindən istehsal olunan elektrik enerjisi adətən ölkənin tələbatının təxminən yarısını ödəyirdi.

Qeyd edək ki, Rusiya-Ukrayna müharibəsindən əvvəl Belçika hökuməti 2025-ci ildə atom elektrik stansiyalarının istismardan çıxarılması planını hazırlamışdı.

Busaat.az