Belçikanın fransızdilli bölgəsində məktəblərdə məcburi cinsiyyət təhsilinin tətbiqi ilə bağlı müzakirələr aparılarkən, bəzi qəzəbli valideynlərin məktəbləri yandırdığı iddia edilib.
Busaat.az bildirir ki, bu barədə rəsmi “Belqa” xəbər agentliyi məlumat yayıb.
Mənbənin sözlərinə görə, Montignies-sur-Sambre şəhərindəki “(Ecole) des Cites” məktəbində dünən axşam saatlarında yanğın baş verib.
Həftənin əvvəlində Şarlerua şəhərində 4 tədris ocağı yandırılıb.
Polis məcburi seksual təhsilə reaksiya verən valideynlərlə əlaqə şübhəsi ilə ilk dörd yanğını araşdırır.
Belçikada 2012-ci ildən bəri bütün siniflər üçün seksual təhsil tələb edən tənzimləmə mövcuddur. Flamanddilli bölgədə bu təhsil artıq məcburi olsa da, fransızdilli icmanın yaşadığı paytaxt Brüssel və Valloniya bölgələrindəki məktəblərin təşəbbüsü ilə buraxılmışdı.
Sentyabrın 7-də fransızdilli bölgələrdə ibtidai və orta məktəb şagirdlərinin həftədə 2 saat bu kurslardan keçməsini tələb edən qanun qüvvəyə minmişdi.
Parlament prosesi əsnasında Brüsseldə etirazlar təşkil olundu və Valloniya-Brüssel Federasiyası hökuməti tənzimləmənin uşaqları qorumaq məqsədi daşıdığını müdafiə etdi.
