Belqorodda dron avtomobil yoluna partlayıcı qurğu atıb
Rusiyanın Belqorod vilayətində pilotsuz uçuş aparatı (PUA) partlayıcı qurğunu avtomobil yoluna atıb.
Busaat.az xəbər verir ki, bu barədə Belqorod vilayətinin qubernatoru Vyaçeslav Qladkov öz “Telegram” kanalında məlumat verib.
“PUA Belqorodda avtomobil yoluna partlayıcı qurğu atıb. İlkin məlumata görə, xəsarət alan olmayıb”, – məlumatda deyilir.
Qubernator bildirib ki, hadisə nəticəsində bir avtomobil zədələnib.
Qladkov ayrıca yazıda regionun hava məkanında pilotsuz təyyarənin vurulduğunu qeyd edib. Bunun eyni pilotsuz təyyarə olub-olmaması bəlli deyil.
“Hazırda dəymiş ziyan hesablanır”, – Qladkov əlavə edib.
Busaat.az
