Bəşəriyyətin taleyi ABŞ və ÇİN arasındakı münasibətlərdən asılıdır

Çin ümid edir ki, ABŞ ikitərəfli münasibətlərin tez bir zamanda düzgün istiqamətə qayıtmasına töhfə verəcək, çünki bəşəriyyətin taleyi Pekin və Vaşinqton arasındakı münasibətlərdən asılıdır.

Busaat.az xəbər verir ki, bunu Pekində ABŞ-nin maliyyə naziri Canet Yellen ilə görüşü zamanı Çinin Baş naziri Li Çian deyib.

ABŞ-nin maliyyə naziri Yellen iyulun 6-9-dək  Çində səfərdə olacaq. Nazirin sözlərinə görə, bu səfər iki ölkə arasında münasibətləri nizamlamaq baxımından böyük əhəmiyyət kəsb edir.

“Ümid edirik ki, Amerika tərəfi Çinə qarşı rasional və praqmatik mövqe nümayiş etdirəcək, Çinlə birlikdə bir-birinə doğru hərəkət edəcək, Çin-ABŞ münasibətlərinin tez bir zamanda lazımi kursa qayıtmasına töhfə verəcək”, – o, qeyd edib.

Çinin Baş naziri Li Çian qeyd edib ki, bəşəriyyətin gələcəyi ABŞ və Çinin düzgün birgəyaşayış yolunu tapıb tapa bilməyəcəyindən asılıdır.

Busaat.az