ABŞ-ın Corciya ştatında beyin ölümü qeydə alınan hamilə qadın üç ay ərzində süni nəfəs aparatına qoşulu vəziyyətdə saxlanılır.
Busaat.az xəbər verir ki, hadisə nəticəsində 30 yaşlı Adriana Smit beyin damarlarında yaranan tromboz səbəbilə vəfat edib. O, həyatını itirdiyi vaxt hamiləliyin 9-cu həftəsində olub.
Ştat qanunlarına əsasən, dölün ürək döyüntüsü olduğu üçün aborta icazə verilmir. Bu səbəbdən qadının bədəni doğuşa qədər aparat vasitəsilə funksional vəziyyətdə saxlanılır.
Qadının anası bu vəziyyətin ailə üçün ağır olduğunu bildirib və qeyd edib ki, seçim imkanları belə yoxdur.
Həkimlər isə bildirir ki, dölün beynində maye yığılıb və bu, ciddi sağlamlıq problemlərinə yol aça bilər.
Bundan əlavə, ailə qərar vermə hüququna malik olmasa da, bütün tibbi xərcləri özü qarşılamalıdır.
Nərmin Səmidova
Busaat.az
