Bəzi Mərkəzi Asiya ölkələri Rusiyaya qarşı sanksiyalara qoşula biləcəklərini bildirirlər – Qaluzin

Bəzi Mərkəzi Asiya ölkələri Qərbin Rusiyaya qarşı sanksiyalarına qoşula biləcəklərinə işarə edirlər.

Busaat.az xəbər verir ki, bu sözləri Rusiya xarici işlər nazirinin müavini Mixail Qaluzin bildirib.

O, bu barədə Tomskda Valday Diskussiya Klubunun üçüncü Mərkəzi Asiya Konfransında çıxışı zamanı deyib.

“Biz birtərəfli iqtisadi məhdudiyyətlərin qəbuledilməz və qeyri-legitim olması fikrini bölüşsək də, bəzi Mərkəzi Asiya ölkələri risk etmək istəmir və Qərbin məhdudlaşdırıcı tədbirlərinə əməl etməyə hazır olduqlarını bildirirlər”, – nazir müavini əlavə edib.

Rusiya ilə əlaqələrin süni şəkildə məhv edilməsi bədnam ikinci dərəcəli sanksiyaların xərclərindən daha ciddi zərərlə nəticələnə bilər”, – Qaluzin vurğulayıb.

Qeyd edək ki, mayın 16 və 17-də Tomsk Dövlət Universitetində  Valday Klubunun konfransı keçiriləcək.

Busaat.az