Almaniya hökuməti 2024-cü ildə Ukraynaya milyardlarla avro dəyərində hərbi yardım ayırmaq üçün kifayət qədər büdcə ayırmayıb.
Busaat.az xəbər verir ki, bu barədə Bild nəşri məlumat yayıb.
Bildirilir ki, 2024-cü ilin büdcəsi noyabrın ortalarında təsdiqlənəcək, lakin Müdafiə Nazirliyi 5 milyard avrodan artıq büdcənin Ukraynaya kifayət etməməsindən narahatdır.
Nəşr qeyd edir ki, Maliyyə Nazirliyi Ukraynaya hərbi yardım üçün 4 milyard ayırdığı halda, Müdafiə Nazirliyi 3,1 milyard avronun artıq elan edilmiş layihələrə gedəcəyini planlaşdırır. Daha 770 milyon avro isə Xarici İşlər Nazirliyinin yardım proqramlarına ayrılacaq.
Hazırda büdcənin yekun təsdiqi ilə bağlı danışıqlar davam edir. Almaniyanın maliyyə naziri Kristian Lindner avqust bildirib ki, Ukraynaya illik 5 milyard avro hərbi yardım planlaşdırılır.
Qeyd edək ki, Almaniya Ukraynaya ABŞ-dan sonra dünyanın ən böyük hərbi yardım tədarükçüsüdür.
Natiq Kərimli,
Busaat.az
