Birləşmiş Ştatlar Çinin inkişafı üçün ciddi problemlər yaradır - Tsipin

Çin prezidenti Si Tsipin Çinin özəl şirkətlərini Kommunist Partiyası ilə “mübarizə” etməyə çağırdığına görə ABŞ-ı günahlandırıb.

Busaat.az xəbər verir ki, Tsipin ölkə daxilində və xaricdə çətinliklərin artdığı bir vaxtda ölkənin özəl şirkətlərini Kommunist Partiyası ilə birlikdə “mübarizə aparmağa” çağırıb, eyni zamanda ABŞ-ı tənqid edib:

“Son beş ildə ABŞ-ın rəhbərlik etdiyi Qərb ölkələri nəzarəti ələ keçirdi və bizi müxtəlif yollarla sıxışdırdı ki, bu da inkişafımıza görünməmiş ciddi problemlər gətirdi”.

Ölkəsinin xarici və iqtisadi çətinliklərlə bağlı narahatlıqlarını dilə gətirərkən Çin xalqını “bir bədən olmağa” çağıran Tsipin qeyd edib: “Qarşıdakı dövrdə qarşılaşacağımız risklər və çətinliklər daha da artacaq və şiddətlənəcək. Amma bütün insanlar bir yerdə düşünər, bir yerdə çox çalışarsa, biz qalib gəlməyə davam edə bilərik. Hamımız eyni gəmidəyik”.

Tsipin hökuməti özəl biznesləri dəstəkləməyə və onların müəyyən sənayelərə daxil olmasını məhdudlaşdıran institusional maneələri aradan qaldırmağa çağırıb və əlavə edib: “Özəl sektor partiyamızın uzunmüddətli perspektivdə idarə etməsi üçün mühüm qüvvədir. Biz həmişə özəl biznesləri və özəl sahibkarları öz insanlarımız kimi görürük. Özəl şirkətlər məşğulluğun sabitləşməsinə və dövlət gəlirlərinin yaradılmasına kömək edir”.

Busaat.az