"Biz bu beynəlxalq araşdırmanı səssizcə məhdudlaşdırmaq cəhdlərini görürük" - Dmitri Peskov

Qərb ölkələri “Şimal axını” qaz kəmərlərində baş verən terror aktlarının təhqiqatını sakitcə dayandırmağa çalışırlar.

Busaat.az xəbər verir ki, bu sözləri Kremlin sözçüsü Dmitri Peskov “Şimal axını” qaz kəmərlərində baş verən partlayışların arxasında ABŞ-ın dayanması ilə bağlı xəbərləri şərh edərkən bildirib.

“Bu hesabat beynəlxalq təhqiqatın sürətləndirilməsinə səbəb olmalıdır. Əksinə, biz bu beynəlxalq araşdırmanı səssizcə məhdudlaşdırmaq cəhdlərini görürük”, – Peskov əlavə edib.

Qeyd edək ki, sentyabrın 27-də “Şimal axını 1” və “Şimal axını 2” qaz kəmərlərinin üç xəttində dəhşətli  partlayışlar baş verib. Rusiya Baş Prokurorluğu qaz kəmərlərindəki partlayışla bağlı cinayət işi açıb.

Busaat.az