"Biz Türkiyənin müstəqil vasitəçiliyinə ümid edirik" - İtaliyanın xarici işlər naziri

“Taxıl müqaviləsi”nin yenilənməməsi Afrika ölkələrində təhlükəli miqrasiya dalğasına səbəb ola bilər.

Busaat.az xəbər verir ki, bunu “il Messaggero” nəşrinə müsahibəsində İtaliyanın xarici işlər naziri Antonio Tajani deyib.

“Bu, nəzərdən keçirmək istəmədiyimiz bir ssenaridir, yoxsulluq içində yaşayan milyonlarla insanın həyatı təhlükə altındadır. Bu da Sudandakı müharibə ilə birlikdə risklər yaradır. Köç cəbhəsində çox təhlükəli bir spiral başlayır”, – nazir bildirib.

Onun sözlərinə görə, Zaporojye atom elektrik stansiyasındakı vəziyyətlə yanaşı, Qara dəniz vasitəsilə ərzaq tədarükü məsələsi İtaliyanı narahat edir.

“Biz Türkiyənin müstəqil vasitəçiliyinə ümid edirik”, – o, əlavə edib.

Qeyd edək ki, gəmilərin hərəkətinin koordinasiyası İstanbuldakı Birgə Koordinasiya Mərkəzi tərəfindən həyata keçirilir.

Busaat.az