Ermənistanın Kollektiv Təhlükəsizlik Müqaviləsi Təşkilatından (KTMT) çıxması məsələsi gündəmdən çıxarılmayıb.
Busaat.az xəbər verir ki, bu sözləri Ermənistanın baş naziri Nikol Paşinyan bildirib.
“Ermənistan Təşkilatın öhdəliklərini yerinə yetirməsi baxımından ölkəni tərk etdiyini başa düşsə, KTMT-dən de-yure çıxacaq”, – Paşinyan deyib.
KTMT üzvü statusu digər ölkələrlə təhlükəsizlik məsələlərinin müzakirəsinə mane olarsa da, belə bir qərar verilə bilər.
Paşinyan bildirib ki, KTMT-yə üzvlük İrəvana üçüncü ölkələrdən silah əldə etməyi müzakirə etməyə mane olub.
“Bizə dedilər ki, sən KTMT-nin üzvüsən, səninlə nəyi müzakirə edək?”, – Paşinyan əlavə edib.
Qeyd edək ki, KTMT-yə altı dövlət – Ermənistan , Belarus, Qazaxıstan, Qırğızıstan, Rusiya və Tacikistan daxildir.
Busaat.az
