Bizim əsas qüvvələrimiz hələ döyüşlərdə iştirak etməyib - Aleksandr Sirski

Ukrayna qoşunları hələ də qüvvələrinin böyük hissəsini davam edən əks-hücum əməliyyatına cəlb etməyib.

Busaat.az xəbər verir ki, bu sözləri Ukrayna Silahlı Qüvvələrinin Quru Qoşunlarının rəisi, general-polkovnik Aleksandr Sirski “The Guardian”a müsahibəsində deyib.

“Demək istəyirəm ki, bizim əsas qüvvələrimiz hələ döyüşlərdə iştirak etməyib və indi biz düşmən müdafiəsinin zəif tərəflərini axtarırıq. Hər şey hələ qarşıdadır”, – Sirski bildirib.

Onun sözlərinə görə, hər kəs anında və dərhal böyük qələbəyə nail olmaq istəyir, lakin bunun müəyyən vaxt aparacağına hazır olmaq lazımdır.

“Düşmən hərəkətlərimizin ən təhlükəli istiqamətlərini proqnozlaşdırıb və proqnozlaşdırmaqda davam edir və orada güclü müdafiə qurur ki, onu keçmək olduqca çətin olsun”, – general qeyd edib.

Busaat.az