Blinken və Lavrov müzakirələr aparıb

ABŞ dövlət katibi Antoni Blinken Rusiyada casusluq ittihamı ilə saxlanılan Wall Street Journal qəzetinin müxbiri Evan Qerşkoviçi dərhal azad etməyə çağırıb.

Busaat.az TASS-a istinadən xəbər verir ki, bu barədə Blinkenin Rusiya XİN rəhbəri ilə müzakirələrindən sonra Dövlət Departamentinin mətbuat katibinin müavini Vedant Patel mətbuata açıqlamasında bildirib.

“Dövlət katibi Blinken ABŞ vətəndaşı jurnalistin Rusiyada qəbuledilməz şəkildə saxlanmasından Birləşmiş Ştatların ciddi narahatlığını çatdırıb. Dövlət katibi onun dərhal azad edilməsinə çağırıb”, – məlumatda deyilir.

“Dövlət katibi və xarici işlər naziri Lavrov diplomatik missiyalara öz işlərini yerinə yetirmək münbit mühitin yaradılmasının vacibliyini də müzakirə ediblər”, – Vedant əlavə edib.

Qeyd edək ki, Rusiya Federal Təhlükəsizlik Xidmətinin (FTX) İctimaiyyətlə Əlaqələr Mərkəzi daha əvvəl bildirmişdi ki, Evan Qerşkoviç ABŞ tərəfinin göstərişi ilə Rusiyanın hərbi-sənaye kompleksinə daxil olan müəssisənin fəaliyyəti ilə bağlı dövlət sirri təşkil edən məlumatlar toplayıb. Müxbir Uralın Yekaterinburq şəhərində saxlanılıb. FSB müstəntiqləri ABŞ vətəndaşına qarşı Rusiya Cinayət Məcəlləsinin 276-cı (“Casusluq”) maddəsi ilə cinayət işi açıb. Martın 30-da Moskvanın Lefortovo rayon məhkəməsi Gerşkoviçin mayın 29-dək həbsinə icazə verib.

Bundan sonra, The Wall Street Journal (WSJ) Gerşkoviçin təhlükəsizliyindən dərin narahatlığını ifadə edən bəyanat yayıb.