BMT Baş Assambleyası Rusiya əleyhinə qətnamə qəbul edib

BMT Baş Assambleyası Ukraynada xüsusi hərbi əməliyyatın ildönümü ilə bağlı Rusiya əleyhinə qətnamə qəbul edib.

Busaat.az bu barədə TASS-a istinadən xəbər verir.

Ümumilikdə 141 ölkə qərarın lehinə, yeddi ölkə (Rusiya, Belarus, Şimali Koreya, Mali, Nikaraqua, Suriya və Eritreya) əleyhinə səs verib, 32 ölkə (Çin də daxil olmaqla) bitərəf qalıb.

Belarusun danışıqlara çağırış və Kiyevə silah tədarükünü qadağan edən düzəlişləri rədd edilib. Minsk, həmçinin münaqişənin başlamasında Moskvanı günahlandıran və Rusiya qoşunlarının Ukraynadan dərhal çıxarılmasını tələb edən müddəaların sənəddən çıxarılmasını təklif edib.

İclas zamanı Ukrayna BMT Baş Assambleyasının barışıq məqsədi daşıdığını bildirdiyi qətnamə layihəsi ilə çıxış edib. Sənəddə Rusiya qoşunlarının Ukrayna ərazisindən çıxarmaq tələbi yer alır.

Bundan başqa, sənəd münaqişənin başlanmasında bütün məsuliyyəti Rusiyanın daşıdığını əks etdirir.

Busaat.az