Rusiya prezidenti Vladimir Putin dünyada dəyişən vəziyyətlə əlaqədar BMT-də islahatların aparılmasının zərurətindən danışıb.
Busaat.az bu barədə “TASS”a istinadən xəbər verir.
Məlumata görə, Putin yenidən təşkilin beynəlxalq ictimaiyyətin geniş konsensusuna əsaslanmalı olduğunu vurğulayıb.
“Təhlükəsizlik Şurası BMT-nin əsas orqanı kimi İkinci Dünya Müharibəsi nəticəsində yaranıb. Və təbii ki, dünyada vəziyyət dəyişir. Bunun üçün bu beynəlxalq qurumun hansısa islahatına ehtiyac var”, – Putin bildirib.
Dövlət başçısı Rusiya Xarici İşlər Nazirliyinin müvafiq dəyişikliklərin geniş konsensusa əsaslanması ilə bağlı mövqeyini xatırladıb.
Rusiya lideri bildirib ki, qərarlar bir qrup ölkə və ya bir dövlət tərəfindən qəbul edilməməlidir, çünki bu, beynəlxalq ictimaiyyətə yaxşı heç nə gətirməyəcək.
