İsrailin baş naziri Benyamin Netanyahu Birləşmiş Millətlər Təşkilatının (BMT) Baş Assambleyasında İsrailin Fələstin ərazilərini işğalının hüquqi nəticələri ilə bağlı Beynəlxalq Ədalət Məhkəməsindən “məsləhət rəyi” tələb edilməsi qərarına reaksiya verib.
Busaat.az xəbər verir ki, israilli lider deyib:
“Bu gün qəbul edilən alçaq qərar İsrail hökuməti üçün məcburi olmayacaq”.
Netanyahu yəhudi xalqının Fələstin torpaqlarını və “əbədi paytaxt” Qüdsü işğal etmədiyini, BMT-də qəbul edilən qərarın bu tarixi həqiqəti dəyişdirməyəcəyini bildirib.
Netanyahu ötən günlərdə bəzi ölkələrin liderləri ilə görüşlər keçirdiyini və sonradan bu ölkələrin BMT-də qəbul edilən qətnamənin lehinə səs verməkdən imtina etdiyini müdafiə edib.
Qeyd edək ki, bu gün BMT Baş Assambleyası Beynəlxalq Ədalət Təşkilatından İsrailin Fələstin ərazilərini işğalının hüquqi nəticələri ilə bağlı “məsləhət rəyi verməsini” tələb edən qətnamə qəbul edib.
Baş Assambleyada keçirilən səsvermədə 87 üzv ölkə lehinə, 26 ölkə, o cümlədən İsrail və ABŞ əleyhinə səs verib, 53 ölkə bitərəf qalıb.
Busaat.az
