İyulda dünyada ərzaq qiymətləri, taxıl müqaviləsinin ləğvi fonunda bahalaşıb.
Busaat.az xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) yaydığı məlumatda deyilir.
Əsas qidaların beynəlxalq qiymətlərində aylıq dəyişiklikləri əks etdirən FAO Ərzaq Qiymətləri İndeksi iyul ayında əvvəlki ayla müqayisədə 1,3% artaraq 2022-ci ilin iyul ayı səviyyəsindən 11,8% aşağı olmaqla 123,9 təşkil edib.
Qeyd edilir ki, artım FAO-nun bitki yağı qiymət indeksinin 7 aylıq enişdən sonra iyun ayı ilə müqayisədə 12,1% artması ilə əlaqədardır. Bir ay ərzində günəbaxan yağının dünya üzrə qiymətləri 15%-dən çox bahalaşıb, bu, əsasən Rusiyanın Qara Dəniz taxıl sazişini dayandırmaq qərarından sonra ixrac tədarükü ilə bağlı qeyri-müəyyənliklə bağlıdır.
Ekspertlər buğdanın da dünya qiymətinin 1,6% artdığını bildirirlər.
Bu, son doqquz ayda ilk belə artımdır. Artım Ukraynanın ixracı ilə bağlı qeyri-müəyyənlik, eləcə də Şimali Amerikada davam edən quru şəraitlə bağlıdır.
Düyü qiymət indeksi 2,8% və 19,7% artaraq 2011-ci ilin sentyabrından bəri ən yüksək nominal səviyyəyə çatıb. Göstəricilərin artması Hindistanın düyüyə tətbiq etdiyi yeni məhdudiyyətlərlə ilə bağlıdır.
Busaat.az
