BMT-nin Əfqanıstanla bağlı qətnaməsi bir çox məsələləri kənarda qoyur – Vasili Nebenzya

BMT Təhlükəsizlik Şurasının Əfqanıstanda qadınların məşğulluğunun qadağan edilməsini pisləyən qətnaməsi ölkə sakinlərinin yaşadığı problemlərlə bağlı bir sıra məsələləri kənarda qoyub.

Busaat.az xəbər verir ki, bu sözləri Rusiyanın BMT-dəki daimi nümayəndəsi Vasili Nebenzya bildirib.

“Təbii ki, biz Talibanın qadın və qızların hüquqlarını məhdudlaşdırmaq qərarını alqışlamırıq. Bu qadağalar aradan qaldırılmalıdır”, – diplomat deyib:

“Lakin probleminin həll edilməməsinin əsl səbəbləri xalqa məxsus əfqan aktivlərinin dondurulması, humanitar yardımın artırılmaması və birtərəfli sanksiyalardır”.

“Qərb həmkarlarının bu yanaşması artıq bizi təəccübləndirmir. Bu, ABŞ və onun müttəfiqlərinin Şurada müxtəlif münaqişələri müzakirə edərkən ikili standartlarının növbəti nümunəsidir”, – Nebenzya əlavə edib.

Qeyd edək ki,  BMT Təhlükəsizlik Şurası Əfqanıstanda qadınların işə götürülməsinə qoyulan qadağanı pisləyən qətnaməni yekdilliklə qəbul edib.

Busaat.az